Almaty ákimi Baqytjan Saǵyntaevtyń tóraǵalyǵymen qalanyń qoǵamdyq densaýlyq basqarmasynyń alqa keńesi ótti. Jiynda 9 aida densaýlyq saqtaýdy damytýdyń memlekettik baǵdarlamasyn júzege asyrýdyń qorytyndysy qaraldy jáne COVID-19-ben kúresti kúsheitý boiynsha mindetter qoiyldy, dep habarlaidy "Ult aqparat".
Keńestiń jumysyna bilim jáne sport basqarmasy, «Respýblikalyq elektrondyq densaýlyq saqtaý ortalyǵy», «SQ Farmatsiia» filialy, memlekettik jáne jeke meditsinalyq mekemelerdiń basshylary qatysty.
«Respýblikalyq elektrondyq densaýlyq saqtaý ortalyǵy» Almaty qalasy filialynyń direktory G.Ysqaqovanyń aitýynsha, 9 aidyń qorytyndysy boiynsha densaýlyq saqtaýdy damytýdyń 2020-2025 jyldarǵa arnalǵan memlekettik baǵdarlamanyń negizgi kórsetkishteri júzege asyrylǵan.
«100 myń adamǵa shaqqanda 25,3 oqiǵany quraityn týberkýlez aýrýy 30%-ǵa tómendedi. Jol-kólik oqiǵalary saldarynan bolatyn ólim-jitim eki esege jýyq azaiyp, 100 myń turǵynǵa shaqqanda 5,83 oqiǵa tirkeldi», – dedi ol.
Onyń aitýynsha, Almatyda naýqastardyń meditsinalyq kómektiń sapasyna qanaǵattanýy 51,6% bolǵan. Bul kórsetkish 2019 jyldyń osy kezeńimen salystyrǵanda 5,5% -ǵa joǵary. Ol buqarany dene shynyqtyrýmen jáne sportpen jappai qamtý, ana óliminiń deńgeiin tómendetý, meditsinalyq mekemelerdiń materialdyq-tehnikalyq bazasyn jaqsartý úshin jumysty barynsha kúsheitý qajettigin atap ótti.
Almatyda 74 memlekettik meditsinalyq uiym, 13 respýblikalyq jáne ÁMSQ-men kelisimi boiynsha 89 jeke uiym halyqqa meditsinalyq qyzmetti kórsetedi. Onda 8 319 dáriger men 14 613 orta meditsinalyq qyzmetker jumys isteidi.
Óz kezeginde, «Áleýmettik meditsinalyq saqtandyrý qory» kommertsiialyq emes aktsionerlik qoǵamy Almaty qalasy filialynyń basshysy Tileýhan Ábildaev qalalyq densaýlyq saqtaý sýbektileri men qor arasyndaǵy kelisimshart mindettemeleriniń oryndalǵany týraly habarlady.
Almatynyń qalalyq densaýlyq basqarmasy bastyǵynyń mindetin atqarýshy J. Madeeva bas dárigerlerdiń naýqastardy erte anyqtaý men emdeýdegi jumysyn baǵalaýdyń nátijesi jáne meditsinalyq mekemelerdi KVI pandemiiasynyń ekinshi tolqynyna daiyndaý boiynsha qabyldanǵan shara týraly baiandady.
Almaty ákimi Baqytjan Saǵyntaev aýrýhanalar men emhanalardy pandemiiamen kúreske daiyndaý jónindegi is-shara josparynyń oryndalýyn baqylaýdy kúsheitýdi tapsyrdy. Virýstyń taralýyn boldyrmaý úshin sanitarlyq-epidemiologiialyq talaptyń saqtalýyna jáne personal men naýqastardyń qaýipsizdigin qamtamasyz etýge erekshe nazar aýdarý qajet.
Sonymen birge, qala ákimi meditsinalyq mekemelerdiń birinshi basshysynyń biliktiligin arttyrý, menedjerlik sheberlik pen tsifrlyq saýattylyqty damytý qajettiligine nazar aýdardy.
