QR premer-ministri Baqytjan Saǵyntaev Astana ákimi Áset Isekeshevti joldardaǵy qar men keptelister úshin sókti, - dep habarlaidy kaz.tengrinews.kz tilshisi.
"Qalai túgeldei turyp qaldy, barlyǵy jumysyna keshigip jatyr. Eshqandai daiyndyq bolmaǵandai. Bul sizdiń ákim qyzmetindegi birinshi qys. Birinshi synaq. Osy jaǵdaidan laiyqty túrde shyǵýyńyzdy tileimiz", - dep eskertti úkimet basshysy Isekeshevti.
Áset Isekeshev óz kezeginde qar tazalaý jumystarynyń túngi ekiden bastalǵanyn jáne osy ýaqytqa deiin barlyq kósheniń tazartylǵanyn atap ótti.
"Shyn máninde bizde aýa raiy tez ózgeredi. Biz daiyndaldyq, qardyń tolassyz jaýýyna bailanysty keptelister paida boldy. Munda aýa raiy jaǵdaiyna bailanysty, barlyǵy retteledi. Túni boiy barlyq mashina jumys istedi, qala kóshelerin tolyqtai tazalaý jumystary júrgizildi", - dedi Isekeshev.
