Búgin Úkimet úiinde Qazaqstan Respýblikasynyń Premer-Ministri Baqytjan Saǵyntaev Astana Hub táýelsiz keńesshisi Djozef Tsiglermen elimizdegi innovatsiialyq ekojúieni odan ári damytý máseleleri jóninde kezdesý ótkizdi, dep habarlaidy "Ult aqparat".
Kezdesý barysynda Astana Hub AT-startaptardyń halyqaralyq tehnologiialar parkiniń jumysyn jetildirý perspektivalary talqylandy. Atap aitqanda, engizilip jatqan innovatsiialardyń tiimdiligin arttyrý jáne olardyń álemdik qoǵamdastyqtaǵy básekege qabilettiligi máseleleri qaraldy. Jańa tehnologiialar eń aldymen elimizdiń azamattarynyń turmys sapasyn jaqsartýǵa baǵyttalýy tiis ekeni atalyp ótti.
Aita keteiik, Memleket basshysy N. Nazarbaev «Qazaqstannyń úshinshi jańǵyrýy: jahandyq básekege qabilettilik» Joldaýynda Ekspo-2017 nysandarynyń biriniń bazasynda AT-startaptardyń halyqaralyq tehnoparkin qurýdy tapsyrdy. Halyqaralyq tehnoparktiń jumysy 2018 jylǵy qarasha aiynda iske qosyldy. Qazirgi tańda hab aýmaǵy 100% toltyrylǵan.
Astana Hub mindeti — startap mádenietti damytý jáne el ekonomikasyn nyǵaitý maqsatynda joǵary tehnologiialyq jobalarǵa qoldaý kórsetý. Astana Hub AT-startaptardyń halyqaralyq tehnoparki Qazaqstannyń innovatsiialar ekojúiesin damytýdyń ózegi men qozǵaýshy kúshi bolýy tiis, sonymen qatar tehnologiialyq biznesti damytýdyń halyqaralyq deńgeide moiyndalǵan habyna ainalýy qajet.
