Almaty ákimi Baqytjan Saǵyntaev qaladaǵy ekonomikalyq ahýaldy biznes ókilderimen talqylady. Kezdesýde turaqtylyqty saqtaý jáne daǵdarysqa qarsy sharalar paketin ázirleý máseleleri pysyqtaldy, dep habarlaidy "Ult aqparat".
Qala ákimi kólik jáne logistika, bank sektory, saýda, ónerkásip jáne óndiristik kompaniia ókilderimen keńes ótkizdi. Kezdesý barysynda DDU pandemiia dep jariialaǵan koronavirýs infektsiiasynyń taralýyna jol bermeý sharalary talqylandy.
«Biz istiń naqtyly jaǵdaiyn anyqtaý jáne qala ekonomikasynyń túrli sektorlarynda jaǵdaidyń damý múmkindikterin boljaý úshin kezdesip otyrmyz», — dep atap ótti Almaty ákimi.
Kezdesýde saýda ainalymyn saqtaý, jumyspen qamtý, biznes pen otandyq taýar óndirýshilerdi yntalandyrý jáne qoldaý kórsetý máseleleri de pysyqtaldy. Budan ózge, sýpermarketter men bazarlarda azyq-túlik baǵasyn baqylaýda ustaý mańyzdy ekeni aityldy.
