Baqytjan Saǵyntaev qala biýdjetiniń 40%-ǵa jýyǵy saýda esebinen qalyptasatynyn jáne megapolistiń qarqyndy damýy úshin ekonomikanyń osy sektoryn kóleńkeden shyǵarý qajet ekenin aitty, habarlaidy "Ult aqparat".
«Ol úshin ne isteý kerek? Sýpermarket, onlain saýda men úidiń qasyndaǵy dúkenderge qolaily jaǵdai jasap, qoldaý kórsetilýi tiis», - dep jazdy qala ákimi Instagram-daǵy paraqshasynda.
Saǵyntaev jergilikti franchaizingti tarta otyryp, «úidiń qasyndaǵy dúken» sekildi tiptik jobalardyń iske asýyna qajetti qoldaý kórsetiletinin atap ótti. Mysaly úlgi retinde álemdik 7-Eleven modeli boiynsha qurylǵan Froot jelisin aitýǵa bolady.
«Aita keterligi, jańa úlgidegi Froot dúkender jelisindegi azyq-túlikterdiń baǵasy úidiń qasyndaǵy basqa dúkenderden 10-15%-ǵa tómen. Munda barlyq is-qimyldy, taýar assortimentinen bastap onyń sanyna deiingi úrdisterdi, kassa men býhgalteriiany ziiatkerlik júie basqarady. Mundai dúkenderdiń jumysy barynsha ashyq ári biýdjetke salyq pen túrli tólemder ýaqytyly túsedi, qyzmetkerler ai saiyn turaqty jalaqy alady», - dep atap ótti ol.
