Almaty ákimi Baqytjan Saǵyntaev kásipkerler qaýymynan sanitarlyq dáriger bekitken normalardy saqtaýdy ótindi, dep habarlaidy "Ult aqparat".
Qala ákimi Instagram-daǵy paraqshasynda epidemiologiialyq jaǵdai turaqtalǵan soń óndiris, qurylys, saýda men qyzmet kórsetý oryndary jumystaryn kezeń-kezeńmen jandandyra bastaǵanyn eske saldy.
«Basty talap – sanitarlyq normalardy saqtaý. Onyń ózi qiyn emes, iaǵni sanitaizer, qorǵanys betperdesi, qolǵap pen áleýmettik qashyqtyq. Eger iri kásiporyndar jumysyn tekserýden keiin bastasa, shaǵyn biznes salasyna ruqsat habarlama printsipi boiynsha berildi. Bul rette jaýapkershilik júgi kásipkerge júkteldi», - dep jazdy B. Saǵyntaev.
Tájiribe kórsetkendei, jaýapkershilik pen onyń mańyzdylyǵyn túsinetinder kóp emes. Mamandarmen tekserilgen 2,4 myńǵa jýyq sýbektiniń138-inde zań buzýshylyq anyqtaldy. Keibireýiniń qyzmetin toqtatýǵa týra keldi.
«Kásipkerlik qaýymdastyqtyń ókilderinen ótinip surarym, qyzmet túrine qaramastan, belgilengen normalardy ustaný kerek. Eger qaýipti indettiń qaita órshýine jol bersek, qalanyń tynys-tirshiligine aýyr soqqy bolary anyq. Bir-birimizdi qoldaiyq», - dep Almaty ákimi qala kásipkerlerine úndeý tastady.
