Almatyda karantin rejiminiń engizilýine bailanysty qala ákimi Baqytjan Saǵyntaev turǵyndarǵa úndeý jariialady, dep habarlaidy "Ult aqparat".
«Qurmetti, almatylyqtar! Turǵyndar úshin jyldam artyp kele jatqan qaýip bizdi jyldam sheshim shyǵarýǵa májbúr etýde. Sondyqtan men Tótenshe jaǵdai rejimin qamtamasyz etý jónindegi memlekettik komissiiaǵa qalada karantin engizý týraly usynys engizdim. Bul sheshim 1 saǵat buryn qabyldandy. Qalada karantin 19 naýryzda túngi saǵat 00:00-de engiziledi. Almatydaǵy karantinniń basty maqsaty – infektsiianyń tez taralýyn toqtatý. Mindet - qalanyń syrtqy perimetrinde infektsiianyń taralmaýyn qolǵa alý jáne qatań karantin arqyly infektsiianyń taralý joldaryn toqtatý, úi karantini jáne ózin-ózi oqshaýlaý mehanizmi arqyly epidemiiaǵa qarsy aýqymdy is sharalardy júrgizý», - dedi Baqytjan Saǵyntaev.
