Almaty ákimi Baqytjan Saǵyntaev quzyrly organdarǵa búgin qalada elektr energiiasynyń oqtyn-oqtyn úzilýiniń sebebin anyqtaýdy tapsyrdy, dep habarlaidy "Ult aqparat".
Qala ákimi bul týraly Twitter-degi paraqshasynda jazdy.
«Almatyny elektrmen jabdyqtaý qalpyna keltirildi. «Alataý Jaryq Kompaniiasy» AQ jáne ALES AQ («Samuryq-Energo» AQ enshiles kompaniiasy) oqys jaǵdaidyń sebepterin anyqtap, kópshilikti habardar etýdi tapsyrdym. Baqylaýyma aldym», - dedi qala basshysy.
Aita ketý kerek, búgin 14:14-de «Almatyenergosbyt» AQ-nyń JES-2 stansasynda aqaý boldy. Sonyń kesirinen qalanyń kóp bóligi elektr qýatynsyz qaldy.
