Búgin Úkimet úiinde Qazaqstan Respýblikasynyń Premer-Ministri Baqytjan Saǵyntaev AQSh Memlekettik hatshysy kómekshisiniń m.a. Elis Ýellspen kezdesý ótkizdi, dep habarlaidy primeminister.kz.
Kezdesý barysynda eki eldiń saýda-ekonomikalyq damýynyń túrli salasyndaǵy ekijaqty yntymaqtastyq máseleleri talqylandy. Sonymen qatar otyn-energetika, quqyq, qarjy, salyq jáne ózge de salalardaǵy máseleler, sondai-aq, Qazaqstan ekonomikasyna investitsiialar men aldyńǵy qatarly amerikalyq kompaniialardyń jańa tehnologiialaryn tartý baǵyttary qaraldy.
Aita keteiik, Qazaqstan men AQSh arasyndaǵy taýar ainalymynyń kólemi 2017 jyldyń qańtar-qyrkúiek ailarynda 1 248,5 mln $ qurady, bul 2016 jyldyń osy kezeńimen salystyrǵanda ($ 1,188,7 mln) 5%-ǵa joǵary kórsetkish.
Qazaqstannyń AQSh-qa eksporty 304,1 mln $ qurady, AQSh-tan Qazaqstanǵa import 944,4 mln $ qurady, bul 2016 jyldyń osy kezeńimen salystyrǵanda 6,8%-ǵa (884,1 mln) joǵary kórsetkish.
QR Ulttyq bankiniń derekteri boiynsha 2005 jyldan beri tikelei shetel investitsiialarynyń jalpy aǵyny qurylymynda AQSh úlesine shamamen 27 mlrd $ nemese jalpy soma 223 mlrd $-nyń 12%-nan astamy tiesili.
AQSh Qazaqstandaǵy Niderlandydan keiingi ($5,7 mlrd) ekinshi iri investor ($ 2,2 mlrd).
QR-da AQSh kapitalynyń qatysýymen 500-ge jýyq kompaniia jumys isteidi, olardyń 443 - shaǵyn, 23 - ortasha jáne 30 - iri kompaniia. 141 kompaniia birlesken kásiporyndar bolyp tabylady, 41 kompaniia taýar óndirýmen ainalysady jáne 37 kompaniia basqa elderge ónim eksporttaidy.
