Negizgi joǵarǵy oqý oryndary sheteldik ýniversitettermen birigip, 48 jańa bilim beretin baǵdarlamany daiyndap, 49 pánaralyq laboratoriia qurdy. Olar zaman talabyna sai jabdyqtaldy. Osy baǵytqa Ulttyq qordan 6 mlrd teńge bólindi. Bul týraly Úkimet otyrysynda QR Bilim jáne ǵylym ministri Erlan Saǵadiev aitty, dep habarlaidy "Ult aqparat" Baq.kz portalyna silteme jasap.
Otyrysta Erlan Saǵadiev Úkimet basshysyna «Nurly jol» baǵdarlamasy boiynsha 9 aidyń esebin berdi.
Vedomstvo basshysynyń aitýynsha, qazirgi tańda ministrlik indýstriialdy-innovatsiialyq damý memlekettik baǵdarlamasyna (IIDMB) kadrlardy daiyndaý úshin qyzý jumysqa kirisip ketipti.
«Nurly jol» memlekettik baǵdarlamasynyń taǵy bir baǵyty IIDMB-di júzege asyrý úshin kadlardy daiyndaý jáne JOO-lardaǵy laboratoriialardy tiisti zamanaýi quraldarmen jabdyqtaý bolyp sanalady. Biyl 1900 magistrant profildi magistratýrany bitirdi. Úsh jaqty kelisimshartqa sáikes, olardyń 96 paiyzy kásiporyndarda jumys istep júr. Negizgi joǵarǵy oqý oryndary sheteldik ýniversitettermen birigip, 48 jańa bilim beretin baǵdarlamany daiyndady, 49 pánaralyq laboratoriia quryldy. Olar zaman talabyna sai jabdyqtaldy. Osy baǵytta Ulttyq qordan 6 mlrd teńge bólindi», - dedi Erlan Saǵadiev.
