Muǵalimderdiń jalaqysyn kóterý qajet. Ony men de qos qoldap qoldaimyn. Bul týraly QR Parlamenti Senatynda ótken orta bilim berý júiesiniń problemalaryna arnalǵan parlamenttik tyńdaýdan keiin QR Bilim jáne ǵylym ministri Erlan Saǵadiev jýrnalisterge aitty, dep habarlaidy Baq.kz tilshisi.
«Parlament tyńdaýynda muǵalimderdiń jalaqysyn kóterý máselesi kóterildi. Bul – óte mańyzdy suraq. Ustazdardyń eńbek aqysyn kóterý kerek. Ol barlyǵyna túsinikti. Men ony qos qoldap qoldaimyn. Biraq kóptegen suraq bizdiń vedomstvonyń quzyretinen tys jatyr. Kóptegen suraq qazirgi biýdjettiń múmkindigine bailanysty. Biz qoldan kelgenin jasap jatyrmyz», - dedi ol.
Osy oraida Bilim jáne ǵylym ministri ustazdardyń jaǵdaiyn jaqsartý úshin qandai sharalardyń qolǵa alynyp jatqanyna toqtaldy.
«Muǵalimniń mektepte bolatyn ýaqytyn qysqartyp jatyrmyz. Jaraidy 5 minýtqa qysqarttyq delik. Ol 20 saǵatta 100 minýt bolady. Senbi kúni muǵalimderge 100 minýt demalýǵa beriledi. Az bolsa da demalsyn. Biz muǵalimderge qatysty oqý júktemesin azaitýdy da jalǵastyra beremiz. Bul suraq ta qarjyny talap etedi. Atalǵan máseleni Qarjy ministrligimen, Májilis jáne Senatpen talqylaimyz», - dedi Erlan Saǵadiev.
