Aǵymdaǵy jyly respýblika boiynsha 109 mekteptiń qurylysyna Ulttyq qordan 71,7 mlrd teńge bólingen bolatyn. Sonyń 45,2 mlrd-y jańa 56 mekteptiń qurylysyn bastaýǵa bólinse, qalǵan 26,5 mlrd teńgesi buryn bastalǵan 53 mekteptiń qurylysyna quiyldy, dep xabarlaidy QazAqparat tilshisi.
QR Bilim jáne ǵylym ministri Erlan Saǵadievtiń aitýynsha, biyl barlyǵy 76 mektepti paidalanýǵa berý josparlanǵan. Ákimdikterdiń málimeti boiynsha, 1 qyrkúiekke deiin 52 mektep tapsyryldy. Jyldyń aiaǵyna deiin taǵy 24 nysannyń qurylysy aiaqtalady. Qalǵany kelesi jylǵa qalyp otyr.
Keiinge qalǵan keibir mektepterdiń qurylysyn erterek bitirýge bolatyn edi. Alaida biýdjet qarajatyn ýaqytynda igerilmeýinen qurylys jumystary kelesi jylǵa shegerildi. "Máselen, Aqmola oblysy Shýchinsk qalasynda 750 mln teńgeniń mektep qurylysy keiinge qalyp otyr. Ol jaqta qurylysshylar arasyndaǵy daý-damai sotqa deiin jetti. Mańǵystaý oblysynda 1,5 mlrd teńgeniń tórt mektebi boiynsha konkýrstyq protsedýralar kesh ótkizildi. Ońtústik Qazaqstan oblysynda bes mektep boiynsha 600 mln teńge der kezinde igerilmei qaldy. Onda da konkýrstyq protsedýralar kesh uiymdastyryldy", - dedi Saǵadiev Úkimettiń búgingi otyrysynda.
Aita keteiik, otyrys barysynda QR Premer-Ministri Baqytjan Saǵyntaev memlekettik tapsyrys aiasynda mektepterdi der kezinde paidalanýǵa berý máselesine basa nazar aýdardy. Sebebi "aǵatailar tendermen uzaq oinap jatqannan keiin balalar mektepke ýaqytynda bara almai júredi".
