Búgin Almatyda «Bilimdi el - Máńgilik el» taqyrybynda dástúrli qalalyq orta bilim berý qyzmetkerleriniń Tamyz pedagogikalyq keńesi ótti. Keńeske qatysqan QR Bilim jáne ǵylym ministri Erlan Saǵadiev mektep direktorlary men ata-analar komitetin mektep formasyna qatysty eldi dúrliktirmeýge shaqyrdy, dep habarlaidy "Ult aqparat" QazAqparatqa silteme jasap.
«Mektep direktorlary men ata-analar komitetine úlken ótinish. Mektep formasyn satyp alýǵa qatysty dúrbeleń týǵyzbańyzdar. Mektep formalary eń bolmasa oqý jylynyń alǵashqy toqsanyna deiin satyp alynsyn. Oqý jyly jaqyndaǵanda baryp, qimyldai bastaitynymyz túsinikti ǵoi. Mektep formasyna qatysty anaý aitqandai talaptar joq. Tek sizderden ótinerim, osynyń barlyǵy ýaqytymen jasalsyn», - dedi ol.
Aita ketelik, QR Bilim jáne ǵylym ministri mindetti mektep formasyna qatysty talaptardy bekitti. Endi, talap boiynsha mektep formasy úsh tústi aralastyra otyryp, biryńǵai stilde jasalýy tiis.
