Bilim jáne ǵylym ministri Erlan Saǵadiev Qazaqstanda bilim granttary qalai úlestirilgeni jaily aitty, - dep habarlaidy kaz.tengrinews.kz tilshisi.
"JOO-larǵa qabyldaý erejeleri jaily, halyqty alańdatqan suraqtarǵa toqtalyp ótkim keledi. Biyl talqylap, sheshýimiz qajet. Birinshisi - mamandyqtar boiynsha granttardy úlestirý. Sebebi biz ekonomikanyń áleýetti salalary boiynsha granttardy úlestiremiz. Mysaly, esepteý tehnikasyna 610, al quqyqtanýǵa bar bolǵany 45, jalpy meditsinaǵa 2500 jáne stomatologiiaǵa 45. Bul túrli baǵdarlamalarda bekitilgen. Jyl saiyn joǵary ball alǵandar grantsyz qalyp jatyr, al az ball alǵandar basqa mamandyqtarǵa grant alyp jatyr", - dedi Saǵadiev úkimet otyrysynda.
Onyń pikirinshe, granttardy úlestirýdiń ekonomikalyq turǵydaǵy oiǵa qonymdylyǵy áleýmettik ádildik máselesine kelip tireledi.
"Jyl saiyn bul ata-analardyń tarapynan kóptegen suraq týyndatyp jatyr. Bul jańalyq emes, jyl saiyn protseske jańa urpaq pen tájiribesi joq ata-analar men balalar kelip jatqanyn da eskerý qajet. Olar birinshi ret mundaidan ótip otyr. Onyń ústine áleýetti mamandyqtar boiynsha granttar tizimi óte kesh shyǵady, bizde ministrlikter men ákimdiktermen kóp dúnieni kelisý qajettigin jinaý júiesi aýyr. Talapker óz múmkindigin baǵamdai almaidy, oǵan profildik pán tańdaýǵa jáne daiyndalýǵa úlgermei jatady", - dedi QR BǴM basshysy.
Ol ministrliktiń osy másele boiynsha birneshe sheshimdi usynatynyn aityp ótti. Mysaly, belgili bir mamandyqtarǵa qansha grant bólinetinin aldyn ala úsh jylǵa shyǵaryp qoiý, iaǵni, úsh jyldyq biýdjet aiasynda múmkin málimetterdi jariialaý. Onyń aitýynsha, bul máseleni biyl talqylap, sheshimge kelý kerek.
"Ekinshisi - jeńildikter. Aýyldyq kvota men jetim balalarǵa beriletin kvota máselesi talqylanyp jatyr, biraq másele áli de sheshilmedi. "Altyn belgi" jaily aitatyn bolsaq. Biyl granttar UBT-dan jinaǵan baldar boiynsha berildi. Keiinirek respýblikalyq komissiia "Altyn belgi" iegerleri aldynda mindetterin oryndaý úshin memlekettik granttarǵa shamamen taǵy 4 paiyz grant qosty. Biyl biz osy júiege zańdy túrde ózgertýler engizýdi josparlap otyrmyz", - dedi Saǵadiev.
Sondai-aq, ministr jetekshi oqý oryndarynda, ásirese, Astanadaǵy JOO-larda oryn jetispeýshiliginiń aityp ótti.
"Bul JOO-lardyń tanymaldyǵymen bailanysty, iaǵni, barlyǵy elordaǵa barǵysy keledi. Sáikesinshe, joǵary ball jinaǵan balalar Eýraziia ulttyq ýniversitetine nemese Astananyń meditsianalyq akademiiasyna tipti aqyly bólimine túse almaidy. Sebebi oryn joq. Biyl bul másele taǵy da talqylanady. Bizdiń oiymyzsha, muny talqyǵa salyp, bir sheshimin tabý kerek", - dedi Erlan Saǵadiev.
