Qazaqstandyq áiel balabaqsha kezeginiń ádiletsizdigine qatysty másele kóterip, bilim jáne ǵylym ministrine shaǵymdandy, - dep habarlaidy Tengrinews.kz tilshisi.
"Sharasyzdyqtan habarlasyp turmyn. Elektrondy kezek engizilgennen keiin adami faktor bolmaidy degenge qatty qýanyp edim, olai bolmady. Qyzym Jámilá 2014 jyldan beri memlekettik balabaqshaǵa kezekte tur. Biyl tórtke tolady, kezekte 2493-shi bolyp turǵanbyz, áli jetpedik. Al bizben birge bi sektsiiasyna barǵan balalar 4 000, 6 000 bolǵanyna qaramastan balabaqshaǵa kezegi jetti", - dep jazdy turǵyn.
Onyń sózinshe, ondai balalardyń ata-anasy kezekti ainalyp ótýge múmkindik beretin jol taýyp alǵan.
"Kúndiz-túni e-astana.kz saityna kirip turý kerek. Onda "balabaqshany tańdaý" pernesi paida bolady-mys. Sondyqtan kezekte qanshasynyshy bolǵanyńyzǵa qaramastan oryn beriledi. Bul ádil emes dep oilaimyn. Kezek retimen júrýi kerek", - deidi kelinshek.
Ministr óz jaýabynda júieniń avtomattandyrylǵanyn, táýlik boiy isteitinin jáne sms jáne/nemese email arqyly bosaǵan oryndar týraly kezekte turǵandardy habarlandyratynyn, osy arqyly kezekti baqylaitynyn aitty.
"Kezekti basqarý júiesi kúndelikti tańǵy jetiden bosaǵan oryndardy kórsetedi. Kezegi kelgender úsh kún ishinde ózdiginshe joldama alýǵa múmkindigi bar. Al ýaqyt ótkennnen keiin oryn áli bos tursa, ony kezegine qaramastan barlyǵyna qoljetimdi etedi", - deidi ministr.
