Mektep bitirýshileri Ulttyq biryńǵai testti endi tolyqtai aǵylshyn tilinde tapsyra alady. Bul týraly Bilim jáne ǵylym ministri Erlan Saǵadiev málimdedi, - dep habarlaidy Tengrinews.kz tilshisi.
"Tapsyrǵysy kelgender aǵylshyn tilin tańdai alady. Eshkimdi májbúrlemeimiz, ár adam test tapsyrý úshin óz tilin tańdaidy", - dedi ministr Májilistegi úkimet saǵatynyń úzilisinde.
Ministr testtegi suraqtardyń barlyǵy qazaq nemese orys tilindegi nusqalaryndaǵymen sáikes keletinin naqtylady.
Eske salaiyq, biyl test tapsyrmalarynyń bazasy 50 paiyzǵa jańarǵan. 2018 jyly UBT tapsyrý erejeleri ózgergen joq, alaida, tapsyrýshylar yńǵaiy úshin azdaǵan ózgerister engizildi. UBT úsh mindetti jáne eki tańdaýly pánnen turady.
