Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Dáriger uzaq ómir súrýdiń el bilmeitin taǵy bir qupiiasyn ashty Dáriger uzaq ómir súrýdiń el bilmeitin taǵy bir qupiiasyn ashty
Saiasat

Sadyr Japarov Qyrǵyzstannyń burynǵy prezidentterin bir ústel basyna jinady

Ult portaly
Sadyr Japarov Qyrǵyzstannyń burynǵy prezidentterin bir ústel basyna jinady

© AKIpress

Qyrǵyzstan prezidenti Sadyr Japarov keńes uiymdastyryp, oǵan burynǵy memleket basshylaryn – Asqar Aqaev, Qurmanbek Bakiev, Roza Otýnbaeva, Almazbek Atambaev, Sooronbai Jeenbekov qatysty. Bul aqparatty AKIpress agenttigine QR Prezidentiniń baspasóz hatshysy Erbol Sultanbaev rastady, - dep habarlaidy Tengrinews.kz saity.

"Kezdesý orny belgili sebeptermen beitarap aýmaq bolyp belgilendi", - dedi baspasóz hatshysy.

Japarov óziniń Facebook-paraqshasynda úndeý jariialap, onda jahandaný dáýirinde ishki turaqtylyq pen ulttyq birlikke umtylǵan elder ǵana damyp, qýatty memleketke ainalatynyn túsindirdi.

"Eýraziia aýmaǵynda uly derjavalar qurǵan ejelgi qyrǵyzdardyń búgingi hali qandai? Birliktiń joqtyǵynan, bilik úshin kúrestiń kesirinen biz ejelgi imperiiamyzdan aiyrylyp, Ortalyq Aziianyń bir buryshynda qalyp bara jatqan siiaqtymyz. Táýelsizdigimizdi jariialasaq ta, damýymyz nege báseńdep barady? Osyndai suraqtar birinen soń biri týyndaidy...

Bizde qazir soltústik-ońtústik, jeti oblys bolyp bólinip, árqaisy tek óz qamyn jep otyrǵanymen qoimai, ókinishke qarai, qazir qyrǵyz halqy ár prezidentti jaqtap, sol arqyly taǵy jetige bólinip jatyr.

Biraq Qyrǵyzstannyń bolashaǵy biz úshin mańyzdy bolsa, "Aqaev", "Bakiev", "Atambaev", "Otýnbaeva", "Jeenbekov" jáne t.b. uǵymdardy joiýymyz kerek, barshanyń basyn biriktire otyryp, halyqtyń bolashaǵyn oilaýymyz kerek (basshylar birligi bolmasa qoldaýshylar birige almaidy).

Bastapqyda halyq sailap, sońy qaiǵyly aiaqtalǵan barlyq prezidentti jinasaq, bálkim, bir judyryqtai jumylǵan birtutas el bolarmyz degen oi meni kópten beri qinap júrdi...", - dep jazdy Japarov.

"Burynǵy prezidentter renishterin aityp, kemshilikterin moiyndady. Eń bastysy, olar bir-birin keshire bildi. Meniń de kózdegen maqsatym sol edi. Meniń oiymda tek ár prezidenttiń jaqtastary, jeti oblystyń halqy saiasatty tastap, bir baǵytqa shoǵyrlanyp, ulttyń, ekonomikanyń damýyn oilaýy kerek edi.

Iá, halqymyzdyń kózqarasy boiynsha qarasańyz, árkimniń qateligi boldy: qaiǵyly oqiǵalar, tipti qantógis.

Aqaevtyń kezinde – Aqsyi oqiǵasy, Bakievtiń kezinde – sáýir oqiǵasy, Ýaqytsha úkimet kezinde – maýsym tragediiasy, Jeenbekovtiń kezinde – qazan oqiǵasy. Ókinishke qarai, Qyrǵyzstan tarihynda bul oqiǵalardyń bári qara árippen jazylǵan. Osylaisha qyrǵyz jastarynan – uldarymyzdan aiyryldyq. Qaza bolǵandardyń týystary men jaqyndarynyń narazylyǵyn túsinemin.

Ár qyrǵyzstandyq birigýi kerek! 5-10 jyldyq múddeni oilamai, Qyrǵyzstannyń múddesin oilaiyq. Maǵan deiin kelgen memleket basshylarynyń árqaisyna jeke múddem de, jeke qyzǵanysh ta joq. Osyny basa aitýym kerek", - dep jazdy Japarov.

Oqi otyryńyz