QR Prezidenttigine úmitker Sádibek Túgeldiń senimdi ókilderi Jambyl oblysynda sailaýaldy úgit-nasihat jumystaryn júrgizýde, dep habarlaidy "Ult aqparat".
«Taraz qalasynan bastaý alyp, T.Rysqulov, Merki óńirlerinde jalǵasqan jiyndar barysynda plakattar ilinip, úmitkerge senim bildirgen azamattarmen jiyndar jáne turǵyndarǵa aýyzeki túsindirý jumystary Jambyl oblysynyń ózge de aýdandary, atap aitsaq, Sarysý, Talas, Baizaq, Jambyl, Jýaly aýdandarynda da jalǵasyn tapty», delingen habarlamada.
Sádibek Túgeldiń senimdi ókilderi sondai-aq Qordai aýdanynda bolyp, turǵyndarmen kezdesip, úmitkerdiń sailaýaldy baǵdarlamasymen jiti tanystyrýda.
Aita keteiik, QR Prezidenttiniń kezekten tys sailaýy 9 maýsym kúni ótedi. Oǵan 7 kandidat tirkelgen.
