QR Prezidenttigine kandidat Sádibek Túgeldiń senimdi ókilderi SQO Taiynsha aýdanynda kezdesý ótkizdi. Bul jóninde kandidattyń baspasóz qyzmeti habarlady.
Aýdandyq balalar óner mektebinde ótken is-sharaǵa kitapxanashylar men aýdan turǵyndary qatysty. Kezdesýdi QR Prezidenttigine kandidat Sádibek Túgeldiń SQO sailaýaldy shtaby uiymdastyrdy. Kandidattyń senimdi ókilderi Talǵat Janseiitov, Baqyt Muxamedraximova, Bazargúl Úmbetovalar jinalǵandar aldynda sóz sóilep, Sádibek Túgeldiń sailaýaldy baǵdarlamasynyń negizgi baǵyttarymen tanystyrdy.
Sonymen qatar, kandidattyń senimdi ókili, aqyn Baqyt Muxamedraximova sóziniń sońyn arnaý óleńmen túiindedi.
Kezdesýge jinalǵandar shtab ókilderine kókeidegi saýaldaryn qoiyp, ózderiniń oi-pikirin jetkizdi.
