Prezidenttikke úmitker Sádibek Túgel Jańaózende qala turǵyndarymen kezdesti, dep habarlaidy kandidattyń baspasóz qyzmeti.
«Jastar shyǵarmashylyq ortalyǵynda» ótken kezdesýde prezidentikke úmitker Sádibek Túgel sailaýaldy baǵdarlamasynyń negizgi baǵyttary jóninde baiandady.
Sonymen qatar, kezdesý barysynda Asqar Bahytjanov, Jansaia Yntymaqqyzy syndy jastar QR Prezidenttigine kandidat Sádibek Túgeldiń sailaýaldy baǵdarlamasynda aitylǵan negizgi baǵyttary jaily óz pikirin jetkizdi.
Mańǵystaý jerindegi kezdesýlerden keiin QR Prezidenttigine kandidat Sádibek Túgel jáne onyń sailaýaldy shtabynyń belsendileri men senimdi ókilderi kieli mekendegi áýlielik dańqymen máshhúr Pir Bekettiń máńgilik damyl tapqan Oǵlandy shatqalyna bardy. Úsh júz alpys eki áýlieniń mekenine ainalǵan Mańǵystaý dalasynyń bir qiyryndaǵy qasietti orynǵa ziiarat etip, duǵa baǵyshtady.
Eske sala keteiik, aldaǵy 9 maýsym kúni ótetin prezident sailaýyna 7 kandidat qatysyp jatyr.
