QR Prezidenttigine kandidat Sádibek Túgel Aqmola oblysy Tselinograd aýdany Qabanbai batyr aýylyndaǵy №41 mektepte aýyl turǵyndarymen kezdesti. Bul týraly úmitkerdiń baspasóz qyzmeti habarlady.
Sádibek Túgel jinalǵan kópshilikke sailaýaldy baǵdarlamasynyń negizgi baǵyttaryn tanystyryp, ulttyq qundylyqtar jóninde sóz qozǵady. Ol baǵdarlamasynda kórsetilgen jas otbasylardyń áleýmettik jaǵdaiyn kóterý, aýyldy kórkeitý, jumyssyzdyqty joiýǵa qatysty mindetterge toqtaldy.
Jiynda sonymen qatar, kandidattyń senimdi ókilderi Bazargúl Úmbetova, Baqyt Muhamedrahimova, Kúlásh Moldahmetovalar sóz sóiledi. Budan keiin aýyl turǵyndary kókeidegi suraqtaryn qoidy.
Kezdesýden soń QR Prezidenttigine kandidat Sádibek Túgel jáne onyń senimdi ókilderi Qabanbai batyr kesenesine ziiarat etti.
