video kadry
Almaty oblysy Qaskeleń kentindegi perzenthanada jatqan áiel úshinshi qabattan sekirip ketti, dep habarlaidy QazAqparat agenttigi.
Bul týraly videony zańger, qoǵam belsendisi Sáýle Bikiteeva óziniń Instagram paraqshasynda jariialady. Beinejazbada dárigerler oqiǵanyń qalai bolǵanyn baiandap beredi.
«Úshinshi qabattan qulady. Ol kisi bizge tórt kún buryn túsken. Úsh júktilik bolǵan, úsheýi de sátsiz aiaqtalǵan. Birinshi balasyn ishinde joǵaltqan. Ekinshi balasyn ekomen kótergen. Ol balasy 26 aptasynda taǵy solai keldi. Josparly túrde otaǵa alyndy. Úsh balasyn da joǵaltý ońai emes qoi. Bosanýdan keiingi kúizeliske tústi me? Qasynda dárisin berip, medbike turǵan. Medbikeni iterip jiberip, ózi sekirip túsken. Bala ishinde qaitys bolǵan. ÝZI-de anyqtaǵan, qozǵalmai qalǵan eken, balanyń júregi toqtaǵan, solai perzenthanaǵa túsken. Kesar tiligi jasalǵannan keiin úshinshi kúni sekirgen», - deidi perzenthana ókili.
Qarasai aýdandyq kópsalaly aýrýhanasynyń málimetinshe, áiel 3-qabatta ornalasqan jansaqtaý bóliminiń terezesinen sekirip ketken.
«Patsient 37 jasta. Operatsiiadan keiin 4 kún reanimatsiiada boldy. Bosanǵannan keiin qatty kúizeliske túsip, emdelýden bas tartty, ózin agressivti ustady. Ony barlyq arnaiy mamandar: anesteziolog-reanimatolog, neirohirýrg, travmatolog, hirýrg tekserdi. Barlyq qajetti saraptamalar jasalyp, tolyqtai emdelip jatyr», - dep habarlady aýrýhana ákimshiliginen.
Almaty oblysy densaýlyq saqtaý basqarmasynyń málimetinshe, qazir áiel jansaqtaý bóliminde jatyr.
