سەبيٸنەن ايىرىلعان ەيەل پەرزەنتحانانىڭ ٷشٸنشٸ قاباتىنان سەكٸرٸپ كەتتٸ

ۆيدەو كادرى

الماتى وبلىسى قاسكەلەڭ كەنتٸندەگٸ پەرزەنتحانادا جاتقان ەيەل ٷشٸنشٸ قاباتتان سەكٸرٸپ كەتتٸ, دەپ حابارلايدى قازاقپارات اگەنتتٸگٸ.

بۇل تۋرالى ۆيدەونى زاڭگەر, قوعام بەلسەندٸسٸ سەۋلە بيكيتەەۆا ٶزٸنٸڭ ٸnstagram پاراقشاسىندا جارييالادى. بەينەجازبادا دەرٸگەرلەر وقيعانىڭ قالاي بولعانىن بايانداپ بەرەدٸ.

«ٷشٸنشٸ قاباتتان قۇلادى. ول كٸسٸ بٸزگە تٶرت كٷن بۇرىن تٷسكەن. ٷش جٷكتٸلٸك بولعان, ٷشەۋٸ دە سەتسٸز اياقتالعان. بٸرٸنشٸ بالاسىن ٸشٸندە جوعالتقان. ەكٸنشٸ بالاسىن ەكومەن كٶتەرگەن. ول بالاسى 26 اپتاسىندا تاعى سولاي كەلدٸ. جوسپارلى تٷردە وتاعا الىندى. ٷش بالاسىن دا جوعالتۋ وڭاي ەمەس قوي. بوسانۋدان كەيٸنگٸ كٷيزەلٸسكە تٷستٸ مە? قاسىندا دەرٸسٸن بەرٸپ, مەدبيكە تۇرعان. مەدبيكەنٸ يتەرٸپ جٸبەرٸپ, ٶزٸ سەكٸرٸپ تٷسكەن. بالا ٸشٸندە قايتىس بولعان. ۋزي-دە انىقتاعان, قوزعالماي قالعان ەكەن, بالانىڭ جٷرەگٸ توقتاعان, سولاي پەرزەنتحاناعا تٷسكەن. كەسار تٸلٸگٸ جاسالعاننان كەيٸن ٷشٸنشٸ كٷنٸ سەكٸرگەن», - دەيدٸ پەرزەنتحانا ٶكٸلٸ.

قاراساي اۋداندىق كٶپسالالى اۋرۋحاناسىنىڭ مەلٸمەتٸنشە, ەيەل 3-قاباتتا ورنالاسقان جانساقتاۋ بٶلٸمٸنٸڭ تەرەزەسٸنەن سەكٸرٸپ كەتكەن.

«پاتسيەنت 37 جاستا. وپەراتسييادان كەيٸن 4 كٷن رەانيماتسييادا بولدى. بوسانعاننان كەيٸن قاتتى كٷيزەلٸسكە تٷسٸپ, ەمدەلۋدەن باس تارتتى, ٶزٸن اگرەسسيۆتٸ ۇستادى. ونى بارلىق ارنايى ماماندار: انەستەزيولوگ-رەانيماتولوگ, نەيروحيرۋرگ, تراۆماتولوگ, حيرۋرگ تەكسەردٸ. بارلىق قاجەتتٸ ساراپتامالار جاسالىپ, تولىقتاي ەمدەلٸپ جاتىر», - دەپ حابارلادى اۋرۋحانا ەكٸمشٸلٸگٸنەن.

الماتى وبلىسى دەنساۋلىق ساقتاۋ باسقارماسىنىڭ مەلٸمەتٸنشە, قازٸر ەيەل جانساقتاۋ بٶلٸمٸندە جاتىر.