Túrkistan oblysynda úi aýlasyndaǵy ájethanada bosanyp, jańa týǵan sábiin shuńqyrǵa tastap ketken áielge sot úkimi shyqty, dep habarlaidy ult.kz NUR.KZ saityna silteme jasap.
Qylmystyq isti Sairam aýdandyq soty QR Qylmystyq kodeksiniń 100-babynyń 2-bóligi («Jańa týǵan balasyn anasynyń óltirýi») boiynsha qaraǵan.
Sot málimetinshe, áiel 2025 jyldyń sáýirinde belgisiz er adammen jynystyq qatynasqa túsip, júkti bolǵan. Alaida júktiligin týystarynan jasyrǵan, meditsinalyq mekemede esepke turmaǵan jáne tekserýden ótpegen.
2025 jyldyń jeltoqsanynda júktiliktiń toǵyzynshy aiynda ol Sairam aýdanyndaǵy úiiniń aýlasyndaǵy, turǵyn úidiń artynda ornalasqan ájethanada tiri bala bosanǵan.
Sotta anyqtalǵandai, áiel náresteniń ómirin saqtap qalý úshin eshqandai áreket jasamaǵan. Kerisinshe, balany ájethananyń shuńqyryna tastap, onyń ústine qum, tas jáne topyraq qospasyn tókken.
Sot áieldiń áreketin jańa týǵan sábiin óltirý dep baǵalady.
Sot úkimimen ol kináli dep tanylyp, 2 jylǵa bas bostandyǵyn shekteý jazasyna kesildi.
Úkim zańdy kúshine endi.
