تٷركٸستان وبلىسىندا ٷي اۋلاسىنداعى ەجەتحانادا بوسانىپ, جاڭا تۋعان سەبيٸن شۇڭقىرعا تاستاپ كەتكەن ەيەلگە سوت ٷكٸمٸ شىقتى, دەپ حابارلايدى ult.kz NUR.KZ سايتىنا سٸلتەمە جاساپ.
قىلمىستىق ٸستٸ سايرام اۋداندىق سوتى قر قىلمىستىق كودەكسٸنٸڭ 100-بابىنىڭ 2-بٶلٸگٸ («جاڭا تۋعان بالاسىن اناسىنىڭ ٶلتٸرۋٸ») بويىنشا قاراعان.
سوت مەلٸمەتٸنشە, ەيەل 2025 جىلدىڭ سەۋٸرٸندە بەلگٸسٸز ەر اداممەن جىنىستىق قاتىناسقا تٷسٸپ, جٷكتٸ بولعان. الايدا جٷكتٸلٸگٸن تۋىستارىنان جاسىرعان, مەديتسينالىق مەكەمەدە ەسەپكە تۇرماعان جەنە تەكسەرۋدەن ٶتپەگەن.
2025 جىلدىڭ جەلتوقسانىندا جٷكتٸلٸكتٸڭ توعىزىنشى ايىندا ول سايرام اۋدانىنداعى ٷيٸنٸڭ اۋلاسىنداعى, تۇرعىن ٷيدٸڭ ارتىندا ورنالاسقان ەجەتحانادا تٸرٸ بالا بوسانعان.
سوتتا انىقتالعانداي, ەيەل نەرەستەنٸڭ ٶمٸرٸن ساقتاپ قالۋ ٷشٸن ەشقانداي ەرەكەت جاساماعان. كەرٸسٸنشە, بالانى ەجەتحانانىڭ شۇڭقىرىنا تاستاپ, ونىڭ ٷستٸنە قۇم, تاس جەنە توپىراق قوسپاسىن تٶككەن.
سوت ەيەلدٸڭ ەرەكەتٸن جاڭا تۋعان سەبيٸن ٶلتٸرۋ دەپ باعالادى.
سوت ٷكٸمٸمەن ول كٸنەلٸ دەپ تانىلىپ, 2 جىلعا باس بوستاندىعىن شەكتەۋ جازاسىنا كەسٸلدٸ.
ٷكٸم زاڭدى كٷشٸنە ەندٸ.
