Eks-depýtat Bekbolat Tileýhannyń Almatyda sábidi qyrqynan shyǵarýy jurttyń talqysyna tústi. Qoǵam qairatkeri men onyń áieli psiholog Nurgúl Daýbaevanyń jetinshi balasynyń kindik áke-sheshesi atanǵan eken. Sáikesinshe, qyrqynan shyǵarýdy da osy kisilerge senip tapsyrǵan.
"Allanyń buiyrtqany, Almatyda Asanáliniń qyryq kúnge tolǵan mańyzdy kúninde kindik áke-kindik anasy Bekbolat aǵamyz ben Kenje ápkem qaryn shashyn, tyrnaǵyn alyp, bir úlken is atqardy", - dep jazdy Daýbaeva.
Bekbolat Tileýhannyń ózi sábidiń shashyn qiyp, tyrnaǵyn alǵan. Alaida bul áreketti oqyrmandar jappai synady.
"O zaman da, bu zaman, erkek qyrqynan shyǵarǵandy birinshi ret kórip turmyn. Erkek, er adam qyrqynan shyǵarmaidy ǵoi. Kúnnen-kúnge neshe túrlini shyǵarady. Bekbolat jumys aýystyrǵan ba, bir kúni áielderdi bosandyryp júrse, tańǵalmaimyn. Saltty beker burmaladyń. Kindik atasy degeni nesi, neshe túrlini shyǵarady. Qoshemetke laiyqty adam tapqan ekensińder", - dep jazdy jeli qoldanýshylary.
Keiin Tileýhan sábidiń atyn azan shaqyryp, atyn Asanáli qoidy.
Nurgúl Daýbaeva keiin syn jazǵan oqyrmandaryna ómirdi qiyndatpaýǵa shaqyrdy.
"Erkektiń kúshin bersin, azamattyń mysyn bersin dep, er adamdar áielge shash aldyrtpaǵan eken desedi. Endi qazirgi zamanda áiel adam ǵana shashtarazshy bolsa shash aldyrtýǵa bolmaidy dep júrmeidi ǵoi. Ómirdi qiyndatpai eshkimge kesirin timese jetkilikti", - dep jazdy ol.
