Atyraýdaǵy sábi óliminen keiin meditsinalyq uiymdarǵa júrgizilgen tekserý nátijesi jariialandy, dep habarlaidy QazAqparat tilshisi.
«Saraptama nátijesinde sábilerdiń tiri týyp, ómiriniń alǵashqy jeti kúninde shetinep ketkeni anyqtaldy. Buǵan deiin 277 jaǵdai anyqtalǵanyn aitqanbyz, biraq qosymsha materialdardy teksere kele osyndai 282 jaǵdai oryn alǵany belgili boldy», - deidi QR Densaýlyq saqtaý ministrligi Taýarlar men kórsetiletin qyzmetterdiń sapasy men qaýipsizdigin baqylaý komitetiniń tóraǵasy Liýdmila Biýrabekova Ortalyq kommýnikatsiialar qyzmetinde ótken brifingte.
Onyń aitýynsha, sábiler tiri týǵanmen, ártúrli jaǵdailarǵa bailanysty alǵashqy jeti kún ishinde shetinep ketken.
«Bul sábiler shynymen tiri týǵan, biraq alǵashqy jeti kún ishinde týa bitti júrek aqaýy jáne basqa sebepterden shetinep ketken. Bul sandar bala ólimi kórsetkishine áser etedi», - deidi ol.
