Sabaqtan tys sport úiirmesin júrgizgen pedagogke 100 paiyz qosymsha aqy tólenedi. Bul týraly QR Mádeniet jáne sport vitse-ministri Nurqisa Dáýeshov aitty, dep habarlaidy "Ult aqparat".
«Sondai-aq, Joldaýda muǵalimderdiń ál-aýqatyn arttyrýǵa jáne 2021 jylǵy 1 qańtardan bastap olardyń jalaqysyn 25 paiyzǵa arttyrýǵa nazar aýdaryldy. Bul baǵytta ministrlik tiisti jumystar júrgizip jatqanyn atap ótkim keledi. Máselen, 2020 jylǵy 1 qańtardan bastap mádeniet jáne sport salasyndaǵy mamandandyrylǵan mektepter men kolledjder qyzmetkerleriniń jalaqysy 2023 jylǵa deiin jyl saiyn 25 paiyzǵa ulǵaiatyn bolady»,-dedi ministr Úkimet úiinde ótken baspasóz máslihatynda.
Onyń aitýynsha, búginde QR Parlamenti Májilisinde buqaralyq sportty damytýǵa baǵyttalǵan zań jobasy qarastyrylyp jatyr.
Qujattyń aiasynda memlekettik bilim uiymdarynyń pedagogtaryna sabaqtan tys sport sabaqtaryn júrgizgeni úshin bazalyq laýazymdyq jalaqydan 100 paiyz mólsherinde qosymsha aqy engizý máselesi pysyqtalýda.
«Memleket basshysynyń Joldaýynda atalyp ótken strategiialyq baǵdarlardy sapaly jáne ýaqytyly oryndaý úshin ministrlik tarapynan barlyq tiisti sharalarar qabyldanatyn bolady», - dedi ol.
