ساباقتان تىس سپورت ٷيٸرمەسٸن جٷرگٸزگەن پەداگوگكە 100 پايىز قوسىمشا اقى تٶلەنەدٸ. بۇل تۋرالى قر مەدەنيەت جەنە سپورت ۆيتسە-مينيسترٸ نۇرقيسا دەۋەشوۆ ايتتى, دەپ حابارلايدى "ۇلت اقپارات".
«سونداي-اق, جولداۋدا مۇعالٸمدەردٸڭ ەل-اۋقاتىن ارتتىرۋعا جەنە 2021 جىلعى 1 قاڭتاردان باستاپ ولاردىڭ جالاقىسىن 25 پايىزعا ارتتىرۋعا نازار اۋدارىلدى. بۇل باعىتتا مينيسترلٸك تيٸستٸ جۇمىستار جٷرگٸزٸپ جاتقانىن اتاپ ٶتكٸم كەلەدٸ. مەسەلەن, 2020 جىلعى 1 قاڭتاردان باستاپ مەدەنيەت جەنە سپورت سالاسىنداعى مامانداندىرىلعان مەكتەپتەر مەن كوللەدجدەر قىزمەتكەرلەرٸنٸڭ جالاقىسى 2023 جىلعا دەيٸن جىل سايىن 25 پايىزعا ۇلعاياتىن بولادى»,-دەدٸ مينيستر ٷكٸمەت ٷيٸندە ٶتكەن باسپاسٶز مەسليحاتىندا.
ونىڭ ايتۋىنشا, بٷگٸندە قر پارلامەنتٸ مەجٸلٸسٸندە بۇقارالىق سپورتتى دامىتۋعا باعىتتالعان زاڭ جوباسى قاراستىرىلىپ جاتىر.
قۇجاتتىڭ اياسىندا مەملەكەتتٸك بٸلٸم ۇيىمدارىنىڭ پەداگوگتارىنا ساباقتان تىس سپورت ساباقتارىن جٷرگٸزگەنٸ ٷشٸن بازالىق لاۋازىمدىق جالاقىدان 100 پايىز مٶلشەرٸندە قوسىمشا اقى ەنگٸزۋ مەسەلەسٸ پىسىقتالۋدا.
«مەملەكەت باسشىسىنىڭ جولداۋىندا اتالىپ ٶتكەن ستراتەگييالىق باعدارلاردى ساپالى جەنە ۋاقىتىلى ورىنداۋ ٷشٸن مينيسترلٸك تاراپىنان بارلىق تيٸستٸ شارالارار قابىلداناتىن بولادى», - دەدٸ ول.
