Grýziia úkimetiniń sheshimimen Grýziianyń Ýkrainadaǵy tótenshe jáne ókiletti elshisi Teimýraz Sharashenidze konsýltatsiia úshin Tbilisige shaqyrylady. Bul jaǵdai Mihail Saakashvili Ulttyq reforma keńesi atqarýshy komitetiniń tóraǵasy bolyp taǵaiyndalǵannan keiin bolyp otyr, - dep habarlaidy Ýkrinform.
Grýziia birinshi arnasynyń málimetinshe, bul jóninde Grýziianyń syrtqy ister ministri David Zalkaliani málimdegen.
«Aldynda Saakashvili usynǵan laýazym deńgeiiniń tómendeýi jáne onyń Ulttyq reforma keńesi atqarýshy komitetine tóraǵa bolyp taǵaiyndalýy ýkrainalyq saiasi spektrdiń, atap aitqanda parlamenttegi kópshiliktiń oǵan senimsizdikpen qaraitynyn kórsetedi. Bul jerde bizdiń oiymyzsha, Grýziianyń Ýkrainanyń strategiialyq seriktesi retindegi pozitsiiasy eskerilgen. Degenmen, Grýziia sot júiesi sottap, izdeýde júrgen adamdy elimizdiń strategiialyq seriktesiniń jańa qyzmetke taǵaiyndaýy kóp suraq týyndatady. Osyǵan bailanysty Ýkrainadaǵy tótenshe jáne ókiletti elshi Teimýraz Sharashenidzeni Tbilisige shaqyrtý týraly sheshim qabyldandy», - deidi ol.
Degenmen, Zalkalianige sensek, Ýkrainamen diplomatiialyq qarym-qatynasty buzý týraly másele kóterilip jatqan joq.
Eske sala keteiik, 7 mamyrda Ýkraina prezidenti Vladimir Zelenskii Mihail Saakashvilidi Ulttyq reforma keńesi atqarýshy komitetiniń tóraǵasy etip taǵaiyndaǵan bolatyn.
