Grýziianyń burynǵy prezidenti jáne Odessa oblysynyń eks-gýbernatory Mihail Saakashvilidiń Facebook jelisindegi paraqshasynda saiasatkerdi kúsh qurylymdarynyń qalai ustaǵany týraly video jariialandy, - dep habarlaidy Tengrinews.kz tilshisi.
Videodan betperde kigen adamdardyń meiramhanaǵa kirip kelip, birneshe kelýshini jerge jatqyzǵanyn kórýge bolady. Ary qarai bir top adam Saakashvilidi shashynan ustap, esikke jeteleidi.
"Betinen urǵan, ushaqqa deiin jol boiy aýzy men kózin jaýyp, atyp tastaimyz dep qorqytqan. Al mikroavtobýs pen tikushaqta edenge basyp ustaǵan", - delingen videoǵa jazylǵan túsindirmede.
RIA Novosti málimeti boiynsha, dúisenbide Saakashvilidi Ýkrainanyń memlekettik shekara qyzmeti Polshaǵa asyryp jibergen. Ol Ýkrainaǵa kúzde osy memleket arqyly kirgen bolatyn. Polshanyń shekara qyzmeti de onyń Varshavaǵa kelgenin rastady. Al Saakashvilidiń jaqtastary Ýkraina prezidenti ákimshiliginiń aldynda sherý ótkizdi. Sherýge shyqqandar men politsiia arasynda qaqtyǵystar bolyp, bir adam ustalǵan bolatyn.
Munyń aldynda Mihail Saakashvilidiń Kievte ustalǵany habarlanǵan.
