Ýkraina prezidenti Vladimir Zelenskii Odessa oblysynyń burynǵy gýbernatory, Grýziianyń eks-prezidenti Mihail Saakashvilidi Reforma boiynsha ulttyq keńestiń Atqarýshy komitetiniń basshysy etip taǵaiyndady. Sheshim 7 mamyr keshkisin Ýkraina prezidentiniń saitynda jariialandy. Zelenskii Saakashvilidi quttyqtap, keńes jumysyn jandandyryp, eldiń damýyna úles qosady dep úmittenedi.
“RBK Ýkraina” agenttiginiń málimetinshe, Reforma boiynsha ulttyq keńes 2014 jyly qurylǵan jáne prezident janyndaǵy keńesý organy sanalady.
Buǵan deiin Saakashvili úkimetten qyzmet alýy múmkin degen habar taraǵan. Al Saakashvili Zelenskii ózine premerdiń reforma boiynsha orynbasary qyzmetin usynǵanyn aitqan. RBK agenttiginiń jazýynsha, Zelenskiige úkimetten oryn usyný parlamenttegi Zelenskiidiń partiiasy “Slýga naroda” fraktsiiasy ishinde synǵa ushyraǵan, Grýziia da búǵan qarsylyq bildirmek bolǵan. Tbilisi Kievten Saakashvilidiń ekstraditsiiasyn talap etip keledi. Grýziiada 2004-2013 jyly prezident bolǵan saiasatkerge bul elde birneshe qylmystyq is qozǵalǵan, onyń ishinde qyzmetin asyra paidalandy degen aiyp ta bar.
Aqparat agenttikteri Saakashvilidi Ýkrainada premer-ministrdiń orynbasary qyzmetine taǵaiyndaýǵa Radada daýys jetpeitinin jazdy. “Tsenzor.net” saitynyń aqparaty boiynsha, úkimet daýys jetpeitin bolǵandyqtan Saakashvilidi bul qyzmetke taǵaiyndaý usynysyn qaitaryp alǵan. Keiin Saakashvili ózine Reforma boiynsha keńesten qyzmet usynǵanyn aitty.
