Túrmede jatqan Grýziianyń eks-prezidenti Mihail Saakashvili "Vivamed" emhanasynda ólim aýzynda jatyr. Bul týraly saiasatkerge barǵan nevropatolog Otar Toidze málimdedi, - dep habarlaidy Massaget.kz portaly "Grýziia Onlain" saityna silteme jasap.
Toidzeniń aitýynsha, burynǵy memleket basshysynyń densaýlyq jaǵdaiy týraly qorytyndy baiandama jasaý úshin jaqyn kúnderi bir top dáriger barady.
"Bir aiǵa jýyq ýaqyt boiy biz oǵan barmadyq. Onyń qazirgi jaǵdaiyn BAQ betterinen jáne dárigerlermen qysqasha áńgimeden ǵana bilemiz. Meniń Mihail Saakashvilige barǵan birinshi jáne sońǵy saparym arasynda aiyrmashylyq bar. Ol eshqashan sóileýden, júrýden qinalmaǵan adam. Qazir jaǵdaiy aýyr. Sondyqtan obektivti baǵa berip, qorytyndy jazý úshin baryp qalatyn shyǵarmyz. Ol ólim aýzynda jatyr", - dedi nevropatolog.
Sársenbide Saakashvilige barǵan mitropolit Nikoloz saiasatkerdiń emhanada 11 kelige azyp ketkenin aitqan bolatyn.
"Men kelgende birinshi azyp ketkenin baiqadym. Onyń dál osylai azǵanyn eshqashan kórmegenmin. Ol maǵan emhanaǵa aýystyrylǵannan beri 11 kelige azǵanyn aitty", - dedi Nikoloz.
