Grýziianyń burynǵy prezidenti Mihail Saakashvili jaqtastaryn sailaýǵa daiyndalýǵa shaqyryp, elge oralýǵa yntaly ekenin málimdedi, - dep habarlaidy kaz.tengrinews.kz RIA Novosti agenttigine silteme jasap.
Amsterdamda júrgen Mihail Saakashvili Grýziianyń "Rýstavi 2" arnasynan videoúndeý jasady.
Ol jaqtastaryn biyl kúzge belgilengen prezident sailaýyna daiyndalýǵa shaqyrdy. Munyń aldynda eldiń premer-ministri, milliarder Bidzina Ivanishvili ústinen birneshe qylmystyq is qozǵalǵan Saakashvili Grýziiaǵa oralsa, oǵan "túrmede yńǵaily oryn daiyndalǵanyn" málimdegen edi.
Saakashvili jaqtastaryn "Birtutas ulttyq qozǵalys" partiiasyna toptasyp, ózge de oppozitsiialyq partiialarmen birigýge jáne prezident sailaýyna ortaq úmitker tańdaýǵa shaqyrdy.
Mihail Saakashvili "Birtutas ulttyq qozǵalys" partiiasynyń negizin qalaǵan bolatyn. Bul partiia elde 2012 jylǵy parlament sailaýyna deiin toǵyz jyl bilikte bolǵan.
Saakashvili Grýziiadan 2013 jyldyń qarashasynda Georgiia Margvelashvili prezident bolǵannan keiin ketken bolatyn. El biligi Ýkrainadan burynǵy prezidentti birneshe ret ekstraditsiialaýdy suraǵan.
Grýziiadan ketkennen keiin Mihail Saakashvili Odessa oblysynyń gýbernatory boldy. Osydan keiin Ýkraina prezidenti Petr Poroshenko ony jumysynan bosatqan edi. Al 2018 jyldyń aqpanynda ýkrainalyq shekara qyzmeti ony Polsha aýmaǵyna shyǵaryp jibergen. Osydan keiin ol Niderlandqa ótip, Eýroodaqta ómir súrý men qyzmet etýge ruqsat aldy.
