Tokio Olimpidasynda úsh qarǵyp sekirýden irikteý saiystary ótti. Oǵan úsh qazaqstandyq sportshy qatysty, dep habarlaidy "Ult aqparat".
Erejege sáikes, 34 atlettiń ishinen 14 metr 40 santimetrden artyq sekirgen nemese úzdik kórsetkishke ie bolǵan 12 sportshy ǵana finalǵa ótedi. Árbir atletke úsh ret sekirýge múmkindik beriledi. Sonyń ishinen úzdik kórsetkish alynady.
Irikteýge úsh qazaqstandyq sportshy qatysty. Olar – Olga Rypakova, Mariia Ovchinnikova jáne Irina Ektova. Sońǵy eki atletimiz 13,34 metr jáne 12,90 metrge sekirdi. Al 2012 jylǵy Olimpiada chempiony Olga Rypakovanyń úzdik kórsetkishi – 13 metr 69 santimetr. Osylaisha, úsheýi de finalǵa óte almady.
Aita keteiik, 2012 jyly London Olimpiadasynda Olga Rypakova 14 metr 98 santimetrge sekirip, altyn medal jeńip alǵan bolatyn. Al 2016 jyly Rio Olimpiadasyna qatysyp, 14 metr 74 santimetrmen qola júldege qol jetkizgen. Sol kezde kolýmbiialyq Katerin Ibargýen altyn alyp ketti. Ol 15,17 metrge sekirdi. Al Venesýeladan kelgen 20 jastaǵy Iýlimar Rohas 14,98 metrdi eńserdi. Osy eki sportshy Tokio Olimpiadasyna da keldi.
Eske salaiyq, qazir Qazaqstan qorjynynda úsh medal bar. Dziýdoshy Eldos Smetov, aýyratletter Igor Son men Zúlfiia Chinshanlo qola medal ielengen bolatyn.
