توكيو وليمپيداسىندا ٷش قارعىپ سەكٸرۋدەن ٸرٸكتەۋ سايىستارى ٶتتٸ. وعان ٷش قازاقستاندىق سپورتشى قاتىستى, دەپ حابارلايدى "ۇلت اقپارات".
ەرەجەگە سەيكەس, 34 اتلەتتٸڭ ٸشٸنەن 14 مەتر 40 سانتيمەتردەن ارتىق سەكٸرگەن نەمەسە ٷزدٸك كٶرسەتكٸشكە يە بولعان 12 سپورتشى عانا فينالعا ٶتەدٸ. ەربٸر اتلەتكە ٷش رەت سەكٸرۋگە مٷمكٸندٸك بەرٸلەدٸ. سونىڭ ٸشٸنەن ٷزدٸك كٶرسەتكٸش الىنادى.
ٸرٸكتەۋگە ٷش قازاقستاندىق سپورتشى قاتىستى. ولار – ولگا رىپاكوۆا, مارييا وۆچيننيكوۆا جەنە يرينا ەكتوۆا. سوڭعى ەكٸ اتلەتٸمٸز 13,34 مەتر جەنە 12,90 مەترگە سەكٸردٸ. ال 2012 جىلعى وليمپيادا چەمپيونى ولگا رىپاكوۆانىڭ ٷزدٸك كٶرسەتكٸشٸ – 13 مەتر 69 سانتيمەتر. وسىلايشا, ٷشەۋٸ دە فينالعا ٶتە المادى.
ايتا كەتەيٸك, 2012 جىلى لوندون وليمپياداسىندا ولگا رىپاكوۆا 14 مەتر 98 سانتيمەترگە سەكٸرٸپ, التىن مەدال جەڭٸپ العان بولاتىن. ال 2016 جىلى ريو وليمپياداسىنا قاتىسىپ, 14 مەتر 74 سانتيمەترمەن قولا جٷلدەگە قول جەتكٸزگەن. سول كەزدە كولۋمبييالىق كاتەرين يبارگۋەن التىن الىپ كەتتٸ. ول 15,17 مەترگە سەكٸردٸ. ال ۆەنەسۋەلادان كەلگەن 20 جاستاعى يۋليمار روحاس 14,98 مەتردٸ ەڭسەردٸ. وسى ەكٸ سپورتشى توكيو وليمپياداسىنا دا كەلدٸ.
ەسكە سالايىق, قازٸر قازاقستان قورجىنىندا ٷش مەدال بار. دزيۋدوشى ەلدوس سمەتوۆ, اۋىراتلەتتەر يگور سون مەن زٷلفييا چينشانلو قولا مەدال يەلەنگەن بولاتىن.
