Qazaqstannyń birinshi, álemniń 19-raketkasy Elena Rybakina juptyq synda Tsintsinnati WTA 1000 týrniriniń ekinshi ainalymyna shyqty, dep habarlaidy "Ult aqparat".
E.Rybakina reseilik Veronika Kýdermetovamen birge alǵashqy ainalymda týnistik Ons Jaber – úndistandyq Sania Mirzamen kezdesti.
Qazaqstandyq-reseilik jup 7:5, 6:2 esebimen jeńiske jetti.
Bir saǵattan astam ýaqytqa sozylǵan matchta Rybakina men Kýdermetova 1 eis jasap, 6 breik-pointtyń tórteýin paidalandy. Qarsylastary 2 eis, 1 breikpen shekteldi.
E.Rybakina men V.Kýdermetova shirek finalǵa shyǵý úshin osy jarystyń 4-raketkalary, amerikalyq Nikol Melichar – niderlandylyq Demi Shiýrspen kúsh synasady.
Taǵy bir qazaqstandyq, álemniń 36-raketkasy Iýliia Pýtintseva jekelei synda úshinshi ainalymǵa shyǵa almady. Ol álemniń 6-raketkasy, chehiialyq Karolina Plishkovaǵa 3:6, 2:6 esebimen jol berdi. Bir saǵattan astam ýaqytqa sozylǵan bul kezdesýde chehiialyq tennisshi 5 eis, 3 breikke qol jetkizdi. Iu.Pýtintseva 4 eis jasaǵanymen, birde-bir breik jasai alǵan joq.
Eske sala keteiik, budan buryn Zarina Diiastyń Chikago jarysyn jeńispen bastaǵanyn, Elena Rybakinanyń Tsintsinnati týrniriniń úshinshi ainalymyna shyqqanyn jazǵan bolatynbyz.
E.Rybakina jekelei synda álemniń 31-raketkasy, ispaniialyq Paýla Badosamen sheberlik baiqasady. Ol 2 saǵat 20 minýtqa sozylǵan tartysty básekede álemniń 3-raketkasy, Belarýs ókili Arina Sobolenkony 5:7, 6:2, 7:6 (7:4) esebimen utyp ketti.
