قازاقستاننىڭ بٸرٸنشٸ, ەلەمنٸڭ 19-راكەتكاسى ەلەنا رىباكينا جۇپتىق سىندا تسينتسينناتي WTA 1000 تۋرنيرٸنٸڭ ەكٸنشٸ اينالىمىنا شىقتى, دەپ حابارلايدى "ۇلت اقپارات".
ە.رىباكينا رەسەيلٸك ۆەرونيكا كۋدەرمەتوۆامەن بٸرگە العاشقى اينالىمدا تۋنيستٸك ونس جابەر – ٷندٸستاندىق سانيا ميرزامەن كەزدەستٸ.
قازاقستاندىق-رەسەيلٸك جۇپ 7:5, 6:2 ەسەبٸمەن جەڭٸسكە جەتتٸ.
بٸر ساعاتتان استام ۋاقىتقا سوزىلعان ماتچتا رىباكينا مەن كۋدەرمەتوۆا 1 ەيس جاساپ, 6 برەيك-پوينتتىڭ تٶرتەۋٸن پايدالاندى. قارسىلاستارى 2 ەيس, 1 برەيكپەن شەكتەلدٸ.
ە.رىباكينا مەن ۆ.كۋدەرمەتوۆا شيرەك فينالعا شىعۋ ٷشٸن وسى جارىستىڭ 4-راكەتكالارى, امەريكالىق نيكول مەليچار – نيدەرلاندىلىق دەمي سحيۋرسپەن كٷش سىناسادى.
تاعى بٸر قازاقستاندىق, ەلەمنٸڭ 36-راكەتكاسى يۋلييا پۋتينتسەۆا جەكەلەي سىندا ٷشٸنشٸ اينالىمعا شىعا المادى. ول ەلەمنٸڭ 6-راكەتكاسى, چەحييالىق كارولينا پليشكوۆاعا 3:6, 2:6 ەسەبٸمەن جول بەردٸ. بٸر ساعاتتان استام ۋاقىتقا سوزىلعان بۇل كەزدەسۋدە چەحييالىق تەننيسشٸ 5 ەيس, 3 برەيككە قول جەتكٸزدٸ. يۋ.پۋتينتسەۆا 4 ەيس جاساعانىمەن, بٸردە-بٸر برەيك جاساي العان جوق.
ەسكە سالا كەتەيٸك, بۇدان بۇرىن زارينا ديياستىڭ چيكاگو جارىسىن جەڭٸسپەن باستاعانىن, ەلەنا رىباكينانىڭ تسينتسينناتي تۋرنيرٸنٸڭ ٷشٸنشٸ اينالىمىنا شىققانىن جازعان بولاتىنبىز.
ە.رىباكينا جەكەلەي سىندا ەلەمنٸڭ 31-راكەتكاسى, يسپانييالىق پاۋلا بادوسامەن شەبەرلٸك بايقاسادى. ول 2 ساعات 20 مينۋتقا سوزىلعان تارتىستى بەسەكەدە ەلەمنٸڭ 3-راكەتكاسى, بەلارۋس ٶكٸلٸ ارينا سوبولەنكونى 5:7, 6:2, 7:6 (7:4) ەسەبٸمەن ۇتىپ كەتتٸ.
