Qazaqstannyń birinshi, álemniń 17-raketkasy Elena Rybakina Doha WTA premer týrniriniń shirek finalyna shyǵa almady, dep habarlaidy "Ult aqparat".
Qazaqstandyq tennisshi úshinshi ainalymda álemniń 1-raketkasy, aýstraliialyq Eshli Bartimen kortqa shyǵýy tiis edi.
E.Rybakina aiaǵynan alǵan jaraqatyna bailanysty kezdesýden bas tartty.
Qazaqstandyq tennisshi jyl basynan beri buǵan deiin WTA dodalarynda 25 match ótkizip, sonyń 21-inde jeńiske jetti. Bul - rekordtyq kórsetkish sanalady. Tórt márte finalǵa shyǵyp, sonyń bireýinde chempion atandy.
E.Barti Doha jarysynyń (júlde qory – 2,9 mln AQSh dollary) shirek finalynda álemniń 16-raketkasy, ispaniialyq Garbine Mýgýrýsa nemese reitingte 25-oryndaǵy ýkrainalyq Daiana Iastremskaianyń qai jeńgenimen sheberlik baiqasady.
Dohada taǵy bir qazaqstandyq, reitingte 32-satydaǵy Iýliia Pýtintseva búgin shirek finalǵa shyǵý úshin álemniń 9-raketkasy, shveitsariialyq Belinda Benchichpen talasady.
Erler arasynda Qazaqstannyń birinshi, álemniń 47-raketkasy Aleksandr Býblik Dýbaida reitingte 6-orynda turǵan grekiialyq Stefanos Tsitsipaspen shirek final joldamasyn sarapqa salady.
Eske sala keteiik, budan buryn A.Býbliktiń Dýbai týrniriniń ekinshi ainalymyna, Iu.Pýtintsevanyń Dohada úshinshi ainalymǵa shyqqanyn, E.Rybakinanyń álemniń 1-raketkasymen kezdesetinin jazǵan bolatynbyz.
