قازاقستاننىڭ بٸرٸنشٸ, ەلەمنٸڭ 17-راكەتكاسى ەلەنا رىباكينا دوحا WTA پرەمەر تۋرنيرٸنٸڭ شيرەك فينالىنا شىعا المادى, دەپ حابارلايدى "ۇلت اقپارات".
قازاقستاندىق تەننيسشٸ ٷشٸنشٸ اينالىمدا ەلەمنٸڭ 1-راكەتكاسى, اۋسترالييالىق ەشلي بارتيمەن كورتقا شىعۋى تيٸس ەدٸ.
ە.رىباكينا اياعىنان العان جاراقاتىنا بايلانىستى كەزدەسۋدەن باس تارتتى.
قازاقستاندىق تەننيسشٸ جىل باسىنان بەرٸ بۇعان دەيٸن WTA دودالارىندا 25 ماتچ ٶتكٸزٸپ, سونىڭ 21-ٸندە جەڭٸسكە جەتتٸ. بۇل - رەكوردتىق كٶرسەتكٸش سانالادى. تٶرت مەرتە فينالعا شىعىپ, سونىڭ بٸرەۋٸندە چەمپيون اتاندى.
ە.بارتي دوحا جارىسىنىڭ (جٷلدە قورى – 2,9 ملن اقش دوللارى) شيرەك فينالىندا ەلەمنٸڭ 16-راكەتكاسى, يسپانييالىق گاربينە مۋگۋرۋسا نەمەسە رەيتينگتە 25-ورىنداعى ۋكراينالىق دايانا ياسترەمسكايانىڭ قاي جەڭگەنٸمەن شەبەرلٸك بايقاسادى.
دوحادا تاعى بٸر قازاقستاندىق, رەيتينگتە 32-ساتىداعى يۋلييا پۋتينتسەۆا بٷگٸن شيرەك فينالعا شىعۋ ٷشٸن ەلەمنٸڭ 9-راكەتكاسى, شۆەيتسارييالىق بەليندا بەنچيچپەن تالاسادى.
ەرلەر اراسىندا قازاقستاننىڭ بٸرٸنشٸ, ەلەمنٸڭ 47-راكەتكاسى الەكساندر بۋبليك دۋبايدا رەيتينگتە 6-ورىندا تۇرعان گرەكييالىق ستەفانوس تسيتسيپاسپەن شيرەك فينال جولداماسىن ساراپقا سالادى.
ەسكە سالا كەتەيٸك, بۇدان بۇرىن ا.بۋبليكتٸڭ دۋباي تۋرنيرٸنٸڭ ەكٸنشٸ اينالىمىنا, يۋ.پۋتينتسەۆانىڭ دوحادا ٷشٸنشٸ اينالىمعا شىققانىن, ە.رىباكينانىڭ ەلەمنٸڭ 1-راكەتكاسىمەن كەزدەسەتٸنٸن جازعان بولاتىنبىز.
