Qazaqstannyń birinshi, álemniń 20-raketkasy Elena Rybakina Ýimbldon týrniriniń úshinshi ainalymyna ótti, dep habarlaidy "Ult aqparata".
Osy «Úlken dýlyǵa» dodasynyń 18-raketkasy bolyp tirkelgen Rybakina ekinshi ainalymda reitingte 120-satyda turǵan amerikalyq Kler Liýmen sheberlik baiqasty.
Qazaqstandyq tennisshi 1 saǵat 22 minýtqa sozylǵan matchta 6:4, 6:4 esebimen jeńiske jetti.
Báseke barysynda Rybakina 7 eis jasap, úsh breik-pointty túgeldei paidalandy. Qarsylasy 5 eis, 1 breikpen shekteldi.
Rybakina tórtinshi ainalymǵa shyǵý úshin álemniń 18-inshi, osy jarystyń 15-raketkasy, grekiialyq Mariia Sakkari nemese reitingte 46-satydaǵy amerikalyq Shelbi Rodjerstiń bireýimen talasady.
Osylaisha 22 jastaǵy Rybakina óz sporttyq jolynda alǵash ret Ýimbldon týrniriniń úshinshi ainalymyna shyǵyp otyr.
