Qazaqstannyń birinshi, álemniń 19-raketkasy Elena Rybakina Tsintsinnati WTA 1000 týrniriniń úshinshi ainalymyna shyqty, dep habarlaidy "Ult aqparat".
Rybakina ekinshi ainalymda álemniń 16-ynshy, osy aitýly dodanyń 15-raketkasy, belgiialyq Eliza Mertenspen kortqa shyqty.
Qazaqstandyq tennisshi eki sette 6:3, 6:2 esebimen jeńiske jetti.
1 saǵat 15 minýtqa sozylǵan matchta qarsylastar 4 retten eis jasady. Rybakina 7 breik-pointtyń úsheýin paidalandy. Al Mertens sondai eki múmkindikti múlt jiberdi.
Rybakina shirek finalǵa shyǵý úshin álemniń 3-raketkasy, Belarýs ókili Arina Sobolenko nemese reitingte 31-satyda turǵan ispaniialyq Paýla Badosanyń bireýimen talasady.
Al Qazaqstannyń birinshi, álemniń 38-raketkasy Aleksandr Býblik Tsintsinnatide erler arasynda ótip jatqan masters týrniriniń ekinshi ainalymynan asa almady. Ol álemniń 21-raketkasy, bolgariialyq Grigor Dimitrovqa 3:6, 5:7 esebimen ese jiberdi. 1 saǵat 23 minýtqa sozylǵan básekede Dimitrov 8 eis jasap, 9 breik-pointtyń úsheýin óz esebine jazdy. Býblik 9 eis, 1 breikke qol jetkizdi.
