رىباكينا تسينتسينناتي تۋرنيرٸنٸڭ ٷشٸنشٸ اينالىمىنا شىقتى

قازاقستاننىڭ بٸرٸنشٸ, ەلەمنٸڭ 19-راكەتكاسى ەلەنا رىباكينا تسينتسينناتي WTA 1000 تۋرنيرٸنٸڭ ٷشٸنشٸ اينالىمىنا شىقتى, دەپ حابارلايدى "ۇلت اقپارات".

رىباكينا ەكٸنشٸ اينالىمدا ەلەمنٸڭ 16-ىنشى, وسى ايتۋلى دودانىڭ 15-راكەتكاسى, بەلگييالىق ەليزا مەرتەنسپەن كورتقا شىقتى. 

قازاقستاندىق تەننيسشٸ ەكٸ سەتتە 6:3, 6:2 ەسەبٸمەن جەڭٸسكە جەتتٸ.

1 ساعات 15 مينۋتقا سوزىلعان ماتچتا قارسىلاستار 4 رەتتەن ەيس جاسادى. رىباكينا 7 برەيك-پوينتتىڭ ٷشەۋٸن پايدالاندى. ال مەرتەنس سونداي ەكٸ مٷمكٸندٸكتٸ مٷلت جٸبەردٸ.

رىباكينا شيرەك فينالعا شىعۋ ٷشٸن ەلەمنٸڭ 3-راكەتكاسى, بەلارۋس ٶكٸلٸ ارينا سوبولەنكو نەمەسە رەيتينگتە 31-ساتىدا تۇرعان يسپانييالىق پاۋلا بادوسانىڭ بٸرەۋٸمەن تالاسادى.

ال قازاقستاننىڭ بٸرٸنشٸ, ەلەمنٸڭ 38-راكەتكاسى الەكساندر بۋبليك تسينتسينناتيدە ەرلەر اراسىندا ٶتٸپ جاتقان ماستەرس تۋرنيرٸنٸڭ ەكٸنشٸ اينالىمىنان اسا المادى. ول ەلەمنٸڭ 21-راكەتكاسى, بولگارييالىق گريگور ديميتروۆقا 3:6, 5:7 ەسەبٸمەن ەسە جٸبەردٸ. 1 ساعات 23 مينۋتقا سوزىلعان بەسەكەدە ديميتروۆ 8 ەيس جاساپ, 9 برەيك-پوينتتىڭ ٷشەۋٸن ٶز ەسەبٸنە جازدى. بۋبليك 9 ەيس, 1 برەيككە قول جەتكٸزدٸ.