Qazaqstannyń birinshi, álemniń 19-raketkasy Elena Rybakina Shtýtgart WTA 500 týrniriniń shirek finalyna shyǵa almady, dep habarlaidy QazAqparat.
Qazaqstandyq tennisshi ekinshi ainalymda álemniń úshinshi raketkasy, ispaniialyq Paýla Badosamen kúsh synasty.
Buǵan deiin qarsylastar úsh ret kezdesip, sonyń ekeýinde ispaniialyq sportshy jeńgen edi.
Bul joly Badosa birinshi partiiada basymdylyq tanytty – 6:2.
Ekinshisinde Rybakina ese qaiyrdy – 6:4.
Úshinshi, sheshýshi partiiada tai-breikte Badosa sáttirek oinady – 7:6 (7:4).
Eki saǵat jarymnan astam ýaqytqa sozylǵan tartysty básekede Rybakina 5 eis jasap, 6 breik-pointtyń beseýin óz esebine jazdy. Qarsylasy 7 eis, 6 breikpen (14 breik-point) kózge tústi.
Júlde qory 703 580 AQSh dollaryna baǵalanǵan jarystyń shirek finalynda Badosa álemniń 10-raketkasy, týnistik Ons Jabermen sheberlik baiqasady. Ol reseilik Daria Kasatkinany utty – 6:3, 6:3.
