Qazaqstannyń birinshi, álemniń 21-raketkasy Elena Rybakina Istbýrn WTA 500 týrniriniń shirek finalyna shyqty, dep habarlaidy "Ult aqparat".
Qazaqstandyq tennisshi ekinshi ainalymda álemniń besinshi, osy dodanyń 2-raketkasy, ýkrainalyq Elina Svitolinamen kezdesti.
Birinshi partiiada breikpen alǵa shyqqan Rybakina sol basymdylyǵyn saqtai aldy - 6:4.
Ekinshi set odan da tartysty órbip, tai-breikte Elena jeńisti julyp aldy - 7:6 (7:3).
Bir saǵat 42 minýtqa sozylǵan kezdesýde qazaqstandyq tennisshi 7 eis jasap, 5 breik-pointtyń úsheýin paidalana bildi. Qarsylasy 4 eis, 2 breikpen shekteldi.
Rybakina aitýly jarystyń jartylai finalyna shyǵý úshin álemniń 61-raketkasy, latviialyq Anastasiia Sevastovamen talasady. Ol álemniń 23-raketkasy, AQSh-tyń jas juldyzy Kori Gaýfty 4:6, 7:5, 6:2 esebimen jeńdi.
Eske sala keteiik, budan buryn Rybakinanyń Istbýrn týrniriniń ekinshi ainalymyna, A.Býbliktiń shirek finalǵa shyqqanyn jazǵan bolatynbyz.
