قازاقستاننىڭ بٸرٸنشٸ, ەلەمنٸڭ 21-راكەتكاسى ەلەنا رىباكينا يستبۋرن WTA 500 تۋرنيرٸنٸڭ شيرەك فينالىنا شىقتى, دەپ حابارلايدى "ۇلت اقپارات".
قازاقستاندىق تەننيسشٸ ەكٸنشٸ اينالىمدا ەلەمنٸڭ بەسٸنشٸ, وسى دودانىڭ 2-راكەتكاسى, ۋكراينالىق ەلينا سۆيتولينامەن كەزدەستٸ.
بٸرٸنشٸ پارتييادا برەيكپەن العا شىققان رىباكينا سول باسىمدىلىعىن ساقتاي الدى - 6:4.
ەكٸنشٸ سەت ودان دا تارتىستى ٶربٸپ, تاي-برەيكتە ەلەنا جەڭٸستٸ جۇلىپ الدى - 7:6 (7:3).
بٸر ساعات 42 مينۋتقا سوزىلعان كەزدەسۋدە قازاقستاندىق تەننيسشٸ 7 ەيس جاساپ, 5 برەيك-پوينتتىڭ ٷشەۋٸن پايدالانا بٸلدٸ. قارسىلاسى 4 ەيس, 2 برەيكپەن شەكتەلدٸ.
رىباكينا ايتۋلى جارىستىڭ جارتىلاي فينالىنا شىعۋ ٷشٸن ەلەمنٸڭ 61-راكەتكاسى, لاتۆييالىق اناستاسييا سەۆاستوۆامەن تالاسادى. ول ەلەمنٸڭ 23-راكەتكاسى, اقش-تىڭ جاس جۇلدىزى كوري گاۋفتى 4:6, 7:5, 6:2 ەسەبٸمەن جەڭدٸ.
ەسكە سالا كەتەيٸك, بۇدان بۇرىن رىباكينانىڭ يستبۋرن تۋرنيرٸنٸڭ ەكٸنشٸ اينالىمىنا, ا.بۋبليكتٸڭ شيرەك فينالعا شىققانىن جازعان بولاتىنبىز.
