Qazaqstannyń birinshi, álemniń 10-raketkasy Elena Rybakina AQSh-ta ótip jatqan Indian-Ýells WTA 1000 týrniriniń tórtinshi ainalymyna shyqty, - dep habarlaidy Tengrinews.kz saity.
Rybakina týrnirdiń úshinshi ainalymda álemniń 22-raketkasy, ispaniialyq Paýla Badosamen kezdesip, ony 6:3, 7:5 esebimen utty.
Qarsylastar osyǵan deiin 5 ret kezdesip, sonyń tórteýinde ispaniialyq sportshy jeńiske jetken edi. Bul joly Rybakina ese qaitardy.
Kezdesý 1 saǵat 36 minýtqa sozylyp, Rybakina 9 eis jasap, 8 breik-pointtyń teń jartysyn paidalandy. P.Badosa 2 eis, 1 breikpen (6 breik-point) jasady. Endi ol 1/8 finalda álemniń 8-raketkasy, Resei ókili Daria Kasatkina nemese reitingte 66-oryndaǵy taǵy bir Reseidiń ókili Varvara Grachevamen kezdesedi.
