Elena Rybakinaǵa memleket tarapynan Ýimbldondaǵy jeńisi úshin syiaqy qarastyrylmaǵan, al Rybakinanyń ózi Qazaqstan tennis federatsiiasynan beriletin syilyqaqydan bas tartqan, - dep habarlaidy Tengrinews.kz.
Sport jáne dene shynyqtyrý isteri komiteti Elena Rybakinanyń Ýimbldon-2022 finalyndaǵy jeńisi úshin memleketten nege tólem almaitynyn túsindirdi.
"Halyqaralyq jarystardyń chempiondaryna, júldegerlerine, sondai-aq jattyqtyrýshylarǵa aqshalai kótermeleý Úkimettiń 2007 jylǵy 28 naýryzdaǵy № 152 qaýlysynyń negizinde júzege asyrylady. Ýimbldon týrniri kommertsiialyq bolǵandyqtan, respýblikalyq biýdjetten aqshalai tólemder qarastyrylmaǵan", - dep túsindirdi komitet ókilderi.
