Istochnik foto: Global Look Press
Qazaqstandyq tennisshi Elena Rybakina Melbýrnde ótip jatqan Australian Open – 2023 týrniriniń jartylai finalyna shyqty. Otandasymyz shirek finalda latviialyq sportshy Elena Ostapenkodan ailasyn asyrdy, - dep habarlaidy Tengrinews.kz portaly.
1 saǵat 21 minýtqa sozylǵan oiynda Elena Rybakina qarsylasyn eki sette-aq jeńip shyqty. Birinshi sette 6:2 esebimen basym tússe, ekinshi setti 6:4 esebimen aiaqtady.
Jartylai finalda otandasymyz Djessika Pegýla (AQSh) jáne Viktoriia Azarenko (Belarýs) arasyndaǵy oiynnyń jeńimpazymen kezdesedi.
Tarihi jetistik, Elena Rybakina – Australian Open jarysynyń jartylai finalyna shyqqan alǵashqy qazaqstandyq tennisshi. Óziniń mansabynda da osy jarystyń jartylai finalyna alǵash ret shyǵyp otyr. Buǵan deiin "Úlken dýlyǵa" sanatyna enetin "Ýimbldon" jarysynda top jarǵan.
