Foto ©REUTERS
Qazaqstannyń birinshi raketkasy Elena Rybakina Almatyǵa saparyn keiinge qaldyrǵanyn málimdedi, - dep habarlaidy Tengrinews.kz tilshisi Vesti.kz saityna silteme jasap.
Tennisshi Ýimbldondaǵy jeńisinen keiin Qazaqstanǵa oralǵan bolatyn. Bir kún buryn Rybakina Nur-Sultanda baspasóz máslihatyn ótkizip, jankúierlerimen kezdesti. Biraq Almatyda josparlanǵan sharalar ótpeitin boldy.
"Qurmetti almatylyqtar! Búgin men Ýimbldondaǵy jeńisimizdiń qýanyshymen bólisýge ushyp barýdy josparlaǵan edim. Ókinishke qarai, sońǵy kúnderdegi shamadan tys fizikalyq sharshaý men emotsionaldyq kúizelis meniń jaǵdaiyma áser etti, úzilis jasaýyma týra keledi. Bul tamasha qalaǵa kelesi joly mindetti túrde kelemin. Túsinip, qoldaý bildirgenderińiz úshin raqmet!" - dep keltirdi Rybakinniń sózin Qazaqstannyń tennis federatsiiasy.
